अखबार नेपाल ट्रेन्डिङ

एजेन्सीः प्रिमियर लिगमा घरेलु मैदान ओल्डट्राफोर्डमै दोस्रो स्थानको म्यानचेस्टर युनाइटेड अंक तालिका पुछारमा रहेको शेफिल्ड युनाइटेडसँग पराजित भएको छ ।

घरेलु मैदान ओल्डट्राफोर्डमै युनाइटेड शेफिल्डसँग २–१ ले पराजित भएको हो ।

यस सिजन शेफिल्डको यो दोस्रो जित हो ।

खेलको २३ औं मिनेटमा किन ब्रायनले गोल गर्दै शेफिल्डलाई अग्रता दिलाएका थिए ।

पहिलो हाफमा शेफिल्डले अग्रता कायमै राख्यो ।

खेलको ६४ औं मिनेटमा युनाइटेडका ह्यारी मगुएरले बराबरी गोल फर्काए ।

७४ औं मिनेटमा ओलिभर बुर्केले गोल गर्दै सेफिल्डलाई २–१ को अग्रता दिलाए ।

त्यसपछि खेलमा गोल हुन सकेन र युनाइटेड घरेलु मैदानमा हार व्यहोर्न बाध्य भयो ।

हारपछि युनाईटेडले शीर्ष स्थानमा उक्लने मौका समेत गुमाएको छ ।

२० खेलबाट ४० अंकसहित युनाइटेड दोस्रो स्थानमै छ ।

युनाइटेडभन्दा एक खेल कम खेलेको लिग लिडर म्यानचेस्टर सिटी ४१ अंकसहित शीर्ष स्थानमा छ ।

युनाइटेडलाई स्तब्ध पारेको शेफिल्डले ८ अंक जोडेको छ र अझै अंक तालिकाको पुछारमा छ ।

यो पनि पढ्नु होस्

https://www.akhabarnepal.com/%e0%a4%a8%e0%a5%87%e0%a4%aa%e0%a4%be%e0%a4%b2-%e0%a4%93%e0%a4%aa%e0%a4%a8-%e0%a4%a4%e0%a5%87%e0%a4%95%e0%a5%8d%e0%a4%b5%e0%a4%be%e0%a4%a8%e0%a5%8d%e0%a4%a6%e0%a5%8b%e0%a4%ae%e0%a4%be-%e0%a4%95/