अखबार नेपाल ट्रेन्डिङ

काठमाडौं: साउथ एसियन फुटबल फेडेरेसन (साफ) को आयोजनामा हुने साफ च्याम्पियनसिप अर्को वर्ष सेप्टेम्बरमा बंगलादेशमा गर्ने तयारी भएको छ  । साफ २०२१- १४ देखि २५ सम्म सेप्टेम्बरमा बंगलादेशमा हुने भएको छ ।

साफको सोमबार भर्चुअल माध्यमबाट बसेको कार्यसमिति बैठकले साफ च्याम्पियनसिपको मिति लगायत विभिन्न निर्णय गरेको हो । साफ २०२१ सेप्टेम्बर १४ देखि २५ सम्म बंगलादेशमा हुने भएको छ । तर अर्को वर्ष हुने एएफसी क्वालिफायरको मितिलाई मध्यनजर गर्दै परिवर्तन हुन सक्ने सम्भावना पनि छ ।

बैठकमा साफ कंग्रेस, इलेक्ट्रोल कोड र २०२१ को प्रतियोगिताका बारेमा छलफल गरेको छ । यसका साथै बैठकले बजेट र अडिट रिपोर्टलाई पारित गरेको छ ।

साफको बैठकले विभिन्न युथ प्रतियोगिताको मिति पनि तय गरेको छ । जसअन्तर्गत साफ यू १६ साफ महिला च्याम्पियनसिप २०२१ अगष्ट १८ देखि २७ सम्म बंगलादेशमा हुने भएको छ । यस्तै साफ यू १९ महिला च्याम्पियनसिप जुलाई १३ देखि २२ सम्म हुनेछ भने यू १५ साफ अक्टोबर १ देखि १० सम्म हुनेछ ।

साफ यू १८ च्याम्पियनसिप अक्टोबर १५ देखि २४ सम्म हुनेछ ।साफ च्याम्पियनसिपको बाहेक अरु प्रतियोगिताको भेन्यु भने तय भएको छैन ।कोरोना महामारीका कारण यस वर्ष हुनुपर्ने साफ च्याम्पियनसिप लगायत युथ प्रतियोगिताहरु रद्द भएका थिए ।

यो पनि पढ्नु होस्

https://www.akhabarnepal.com/%e0%a4%95%e0%a4%b0%e0%a5%8d%e0%a4%a3%e0%a4%be%e0%a4%b2%e0%a5%80-%e0%a4%aa%e0%a5%8d%e0%a4%b0%e0%a4%a6%e0%a5%87%e0%a4%b6%e0%a4%95%e0%a5%8b-%e0%a4%8f%e0%a4%a8%e0%a5%8d%e0%a4%ab%e0%a4%be-%e0%a4%85/