अखबार नेपाल ट्रेन्डिङ

एजेन्सी: प्रिमियर लिग फुटबलमा म्यान्चेस्टर युनाइटेडले जित निकालेको छ ।

युनाइटेडले खेलको अन्तिम मिनेटमा पाएको पेनाल्टीको अवसरलाई ब्रुनो फर्नान्डेजले गोलमा परिणत गरेपछि युनाइटेडले लिगमा पहिलो जित हात पारेको हो ।

खेलको इन्जुरी समयमा ब्राइटनले २–२ गोलको बराबरीमा खेल पुर्याए पनि युनाइटेड भाग्यमानी साबित भयो ।

ब्राइटनको घरेलु मैदानमा सम्पन्न खेलमा युनाइटेडको जितमा मार्कुस रास्फोर्ड र ब्रुनो फर्नान्डेजले समान एकएक गोल गरे भने एक गोल युनाइटेडले आत्माघाती उपहार पायो ।

ब्राइटनका निल माउपे र शुली मार्सले एकएक गोल फर्काए ।

जितसँगै युनाइटेडले २ खेलमा ३ अंक जोडेको छ । पहिलो खेलमा युनाइटेड क्रिस्टल प्यालेससँग ३–१ गोल अन्तरले पराजित भएको थियो ।