टी–२० विश्वकप क्रिकेट: भारत र न्युजिल्यान्ड तथा अफगानिस्तान र नामिबिया खेल्दै
यसअघिका खेलमा अफगानिस्तान पाकिस्तानसँग पराजित
वि.सं.२०७८ कात्तिक १४ आइतवार ११:२२
एजेन्सीः आईसीसी विश्वकप टी–२० क्रिकेट आज दुई वटा खेल हुँदैछन् ।
सुपर १२ को समूह दुईमा रहेका अफगानिस्तान र नामिबिया तथा भारत र न्युजिल्यान्ड खेल्न लागेका हुन् ।
अफगानिस्तान र नामिबियाको खेल दिउँसो पौने ४ बजे अबुधाबीमा सुरु हुनेछ ।
यसअघिका खेलमा अफगानिस्तान पाकिस्तानसँग पराजित भएको थियो भने स्कटल्यान्डलाई हराएको थियो त्यस्तै नामिबियाले पनि स्कटल्यान्डलाई हराएको थियो ।
आज हुने दोस्रो खेलमा भारत र न्युजिल्यान्ड बेलुका पौने आठ बजे दुबईमा खेल्दैछन् ।
दुई वटै टोलीलाई आजको खेलमा जित महत्त्वपूर्ण छ ।
भारत र न्युजिल्यान्ड यसअघिको खेलमा पाकिस्तानसँग पराजित भएका थिए ।
टी–२० विश्वकप क्रिकेट पाकिस्तानले भारतलाई १० विकेट र न्युजिल्यान्डलाई ५ विकेटले हराएको थियो ।
भारत र न्युजिल्यान्डबीच यसअघि १६ वटा टी–२० भएकोमा ८र८ खेलमा विजयी भएका छन् ।
सुपर १२ को समूह दुईमा पाकिस्तान ३ खेलमा ६ अङ्कका साथ शीर्ष स्थानमा छ ।
अङ्कविहीन रहेका न्युजिल्यान्ड चौथो, भारत पाँचौँ र स्कटल्यान्ड पुछारमा छन् ।
यो पनि पढ्नु होस्ः
वि.सं.२०७८ कात्तिक १४ आइतवार ११:२२