अखबार नेपाल ट्रेन्डिङ

एजेन्सीः फिफा विश्वकप छनोटमा जर्मनी विजयी भएको छ ।

युरोपियन छनोट अन्तर्गत शुक्रबार राति भएको खेलमा जर्मनीले रोमानियालाई २-१ गोलले हराएको हो ।

जर्मनीको जितमा सर्ज जिनाब्री र थोमस मुलरले समान एक एक गोल गरे ।

इअनिस हागीले रोमानियाका लागि एक गोल फर्काए पनि बराबरीको लागि पर्यप्ता भएन ।

जितसँगै समुह ‘जे’ को शीर्ष स्थानमा रहेको जर्मनीले ७ खेलमा १८ अंक जोडेको छ ।

रोमानिया १० अंकसहित चौथो स्थानमा छ ।

यस्तै अर्काे खेलमा नेदरल्यान्ड्स विजयी भएको छ ।

शुक्रबार राति भएको विश्वकप छनोटमा  नेदरल्यान्ड्सले लाटभियालाई १-० गोलले हराएको हो ।

नेदरल्यान्ड्सको जितमा डाभी क्लासेनले १९औँ मिनेटमा गरेको गोल नै निर्णायक बन्यो ।

जितसँगै नेदरल्यान्ड्स समूह ‘जी’ को शीर्ष स्थानमा उक्लिएको छ ।

नेदरल्यान्ड्सको ७ खेलमा १४ अंक छ । लाटभिया ५ अंकसहित पाँचौं स्थानमा छ ।

यो पनि पढ्नु होस्ः

अखिल नेपाल खेलकुद महासंघको बैठक सम्पन्न भएको छ