अखबार नेपाल ट्रेन्डिङ

एजेन्सीः स्पानिस ला लिगामा लुइस सुआरेज चम्किदा एट्लेटिको मड्रिड विजय भएको छ ।

साविक विजेता एट्लेटिको मड्रिडले गेटाफेलाई २-१ ले पराजित गरेको हो ।

गेटाफेको घरेलु मैदानमा भएको खेलमा एट्लेटिकोले एक गोलले पछि परेको स्थिति उल्टाउँदै जित हात पारेको हो ।

एट्लेटिको पहिलो हाफमा १–०ले पछि परेको थियो ।

घरेलु मैदानमा खेलको ४५औं मिनेटमा स्टेफान मित्रोभिकले गोल गर्दै गेटाफेलाई खेलमा अग्रता दिलाएका थिए ।

तर दोस्रो हाफमा लुइस सुआरेजले दुई गोल फर्काए ।

गेटाफेका चार्ल्स एलेना ७४औं मिनेटमा रातो कार्ड पाउँदै मैदान छाडेका थिए ।

यो रातो कार्डसँगै गेटाफे १० खेलाडीमा समेटिएको थियो ।

यसको फाइदा एट्लेटिकोले मड्रिडले लियो ।

७८औं मिनेटमा मारियो हेरमोसोको पासमा सुआरेजले गोल गर्दै खेललाई बराबरीमा ल्याएका थिए ।

स्पानिस ला लिगामा लुइस सुआरेज खेलको ९०औं मिनेटमा व्यक्तिगत दोस्रो गोल गर्दै खेलको नतिजा उल्टाउदै २–१को स्थिती बनाए ।

यो गोल निकै महत्पुर्ण रहयो किन कि यही गोलले एट्लेटिकोले पुनारगमन जित हात पारेको हो ।

जितपछि ६ खेलबाट १४ अंक जोड्दै एट्लेटिको अंकतालिकामा शीर्ष स्थानमा उक्लेको छ ।

एक खेल कम खेलेको रियल मड्रिड १३ अंकसहित दोस्रो स्थानमा छ ।

लगातार ६ खेलमा पराजित गेटाफे भने अंकविहीन हुँदै १९औं स्थानमा छ ।

ला लिगाकै अर्को खेलमा राभो भालेकाले एथ्लेटिक विल्वाओलाई २-१ ले पराजित गरेको छ ।

रायोको जितमा राडेमेल फाल्काओले इन्जुरी टाइममा निर्णायक गोल गरे ।

अर्को खेलमा सेल्टाभिगोले लेभान्टेलाई २-० ले हरायो ।

यो पनि पढ्नु होस्ः

एभरेष्ट प्रिमियर लिग शनिबार देखि सुरु हुने भएको छ