अखबार नेपाल ट्रेन्डिङ

एजेन्सीः फ्रेन्च क्लबमा पिएसजी च्याम्पियन्स लिगमा बेल्जियमको क्लब ब्रुगसँग रोकिएको छ ।

पिएसजी च्याम्पियन्स लिगको प्रमुख दाबेदार मध्य एक मानिएको छ ।

मेस्सी नेयमार र एम्बाप्पे जस्ता स्टार खेलाडीले भरिएको पिएसजी च्याम्पियन्स लिगको प्रमुख दाबेदार मानिएको थियो ।

च्याम्पियन्स लिग जित्नकै लागि अरबौं रुपैयाँ यो क्लबले खर्च गरेको छ ।

च्याम्पियन्स लिग जित्ने सपनालाई अझै साकार पार्न पिएसजीले केही समय अघि मात्रै विश्वप्रसिद्ध खेलाडी लियोनेल मेसीलाई पनि बार्सिलोनाबाट क्लबमा भित्र्याएको थियो ।

तर मेसी, नेयमार र एमबाप्पे जस्ता स्टार खेलाडी हुनुको बाबजुद पिससजी नाम नसुनिएको र कहलिएका खेलाडी नै नभएको बेल्जियमको क्लबसँग बराबरीमा रोकिएको छ ।

च्याम्पियन्स लिगको ग्रुप ‘ए’को पहिलो खेलमा पिएसजी बेल्जियमको क्लब ब्रुगसँग १–१ गोलको बराबरीमा रोकिएको हो ।

मेसीविना च्याम्पियन्स लिगको दाबेदार रहेको क्लब उनी गएपछि झन् बढी दाबेदार रहेको विश्लेषण फुटबल पण्डितहरुले गरेका थिए ।

तर पहिलो खेलमा उनीहरूले प्रभाव देखाउन सकेनन् ।

च्याम्पियन्स लिगको पहिलो खेलमा मेसी, नेयमार र एमम्बाप्पे कुनै पनि खेलाडी लयमा देखिएनन् ।

फरवार्ड नचलेको खेलमा स्पेनी मिडफिल्डर आन्द्रे हेरेराले पिएसजीलाई १५ औं मिनेटमा नै अग्रता दिलाएका थिए ।

तर, उनले दिलाएको अग्रता ११ मिनेटसम्म मात्रै टिक्यो ।

२७ औं मिनेटमा ब्रुगका लागि हन्स भानाकेनले बराबरी गोल गरे ।

बराबरी गोल खाएपछि बल पोसेसन बढाउँदै विपक्षीमाथि आक्रमणको प्रयास गरे पनि डिफेन्सलाई चिर्न पिएसजीले सकेन ।

गोल गर्ने उनीहरुको प्रयासलाई ब्रुगका खेलाडीले असफल पारेका थिए ।

६४ प्रतिशत बल पोसेसन राखे पनि स्टार खेलाडीले भरिएको पिएसजीले जम्मा चारवटा मात्रै अनटार्गेट प्रहार गरेको थियो ।

जबकी ब्रुगले ७ वटा अनटार्गेट प्रहार गर्यो ।

ब्रुगले १६ सट प्रहार गर्दा पिएसजीले जम्मा ९ सट प्रहार गरेको थियो ।

घाइते भएपछि एमबाप्पेको सट्टा इकार्डी ५१ औं मिनेटमा मैदानमा प्रवेश गरेका थिए ।

६ सय ८५ पास पिएसजीले खेल्दा ब्रुगले जम्मा ३७६ पास खेलेको थियो ।

तर, कम पास खेलेर पनि पिएसजीमाथि उसले दबाब बढाइरह्यो ।

बलियो डिफेन्ससामु पिएसजीका खेलाडीले पासमासमेत सन्तुलन मिलाउन सकेका थिएनन् ।

निक्कै धारिलो फरवार्ड लाइनअप हुँदा गोलको वर्षा नै हुने आकलन गरिए पनि ब्रुगले स्टार खेलाडीले भरिएको टिमविरुद्ध सशक्त प्रदर्शन गर्दा पिएसजीको खेल फिक्का बन्न पुग्यो ।

खेल अवधिभर मेसी, नेयमार र एमबाप्पले कुनै प्रभावशाली खेल देखाउन सकेनन् ।

लिग वानमा गज्जवको तालमेल देखाउँदै ५ खेलमा पाँचवटै जिते पनि यसरी च्याम्पियन्स लिगको पहिलो खेलमा नै पिएसजी एकएक गोलको बराबरीमा रोकिएको हो ।

समुह ‘ए’ अर्को खेलमा म्यानचेस्टर सिटीले आरबी लाइप्जिगमाथि सानदार जित निकाल्यो ।

सिटीले ६–३ गोल अन्तरले यो खेल जितेको हो ।

पहिलो खेलपछि सिटी पहिलो स्थानमा छ ।

पिएसजी एक अंकसहित दोस्रो स्थानमा छ ।

अब समुहको अर्को खेलमा पिएसजी र सिटीबीच २९ सेप्टेम्बरमा खेल हुनेछ ।

यो पनिः