अखबार नेपाल ट्रेन्डिङ

काठमाडौं: राष्ट्रपति रामचन्द्र पौडेलका आर्थिक सल्लाहकार चिरञ्जिवी नेपालको राजीनामा राष्ट्रपति कार्यालयले आइतबार एक विज्ञप्ति जारी गर्दै राजीनामा स्वीकृत भएको जानकारी गराएको छ । नेपालले सरकारले एक सय रुपैयाँको नोटमा चुच्चे नक्सा राख्ने निर्णयमा असन्तुष्टि जाहेर गरेका थिए ।

उक्त विषय विवादमा परेपछि उनलाई राष्ट्रपति पौडेलले पनि सोधपुछ गरेका थिए । आफ्नो अभिव्यक्ति विवादमा परेपछि नेपालले राजीनामा दिएका  थिए । सत्तारुढ दल नेकपा एमालेका अध्यक्ष केपी शर्मा ओलीले पनि राष्ट्रपतिको सचिवालयबाटै आएको उक्त अभिव्यक्तिप्रति आपत्ति जनाएका थिए । ओलीले नेपालको सो अभिव्यक्तिबारे आपत्ति जनाउँदै राष्ट्रपति र प्रधानमन्त्रीको समेत जवाफ माग गरेका थिए ।