अखबार नेपाल ट्रेन्डिङ

काठमाडौं: नेपाली कांग्रेसको पदाधिकारी बैठकले उपसभामुखमा मुक्ता यादवलाई उम्मेदवार बनाउने तयारी गरेको छ ।

शेरबहादुर देउवा निवास धुम्बाराहीमा बसेको बैठकले यादवलाई उपसभामुखको उम्मेदवार बनाउने अनौपचारिक सहमति बनेको बुझिएको छ । कांग्रेस केन्द्रीय सदस्यसमेत रहेकी उनी समानुपातिक सांसद हुन् ।

बिहीबार भएको सभामुखको निर्वाचनका कांग्रेस उम्मेदवार ईश्वरी न्यौपानेलाई नेकपा एस, जसपा र राष्ट्रिय जनमोर्चाले मतदान गरेका थिए ।

सत्तागठबन्धनबाट राष्ट्रिय स्वतन्त्र पार्टीले इन्दिरा राना मगरलाई उपसभामुख उम्मेदवारमा अघि सार्ने निर्णय गरेको छ ।