माओवादी केन्द्रका प्रमुख सचेतक गुरुङ र पुन सुटुक्क चीनतिर
वि.सं.२०७८ चैत ११ शुक्रवार १२:२८
काठमाडौं: नेकपा माओवादी केन्द्रका प्रमुख सचेतक देव गुरुङ र नेता वर्षमान पुन सुटुक्क चीन गएका छन् ।
उनीहरुको साथमा पूर्वसभामुख समेत रहेकी ओनसरी घर्ती पनि गएकी छिन ।
पुन स्वास्थ्य फलोअपको लागि गएको भनिएपनि सोही जहाजमा कूटनीतिक राहदानी बोकी प्रमुख सचेतक गुरुङ पनि गएका हुन ।
यद्यपी उनको भ्रमणलाई माओवादी केन्द्रले गोप्य राखेको छ ।
चीनले वाम एकताका लागि मध्यस्थ गरिदिने भनिरहेका बेला एमाले उपाध्यक्ष विष्णु पौडेलसहितका नेताहरु चीनमै छन् ।
चीनको कुन्मिङमा भएको इकोनोमिक कोअपरेशन एण्ड कल्चरल एक्सचेन्समा सहभागी हुन एमाले नेताहरु चीन गएका छन् ।
निर्वाचन नजिकिइरहेको समयमा चीनले पुनः एकपटक फुटेका कम्युनिष्ट शक्तिहरुलाई एक बनाउने प्रयास गरेको छ ।
नेपालका दुवै कम्युनिष्ट पार्टीका नेताहरुको चीन भ्रमणलाई अर्थपूर्थ रुपमा हेरिएको छ ।
माओवादी सचेतक पनि त्यता गएपछि अहिले नेपाली राजनीतिक आकाशमा भिवभिन्न खालको अड्कलबाजी गर्न थालिएको छ ।
वि.सं.२०७८ चैत ११ शुक्रवार १२:२८