अखबार नेपाल ट्रेन्डिङ

काठमाडौँ : बुलेटबाटै राज्यसत्ता कब्जा गर्ने भन्दै हिडेको नेत्रविक्रम चन्द (विप्लव) नेतृत्वको नेकपा पनि अब बुलेटमा राजनीति छोडेर ब्यालेटका राजनीतिमा अवतरित हुने भएको छ ।

शसस्त्र राजनीतिबाट केही समयअघि मात्र शान्ति सम्झौतामार्फत शान्तिपूर्वक राजनीतिक यात्रामा रहेका विप्लव नेतृत्वको माओवादी पनि चुनावी माहोलमा होमिने भएपछि यो अवस्था आएको हो ।

अहिले उक्त पार्टीको केन्द्रीय कमिटीको बैठक कपिलवस्तुमा चलिरहेको छ । वैठकमा बोल्ने अधिकांश नेताहरुले चुनावमा भाग लिनुपर्ने धारणा राखिरहेका छन् ।

केन्द्रीय कमिटी बैठकमा चुनाव उपयोग गर्ने नीतिसहित महासचिव विप्लवले पेश गरेको राजनीतिक प्रस्तावको पक्षमा बहुमत केन्द्रीय सदस्य खुलेपछि नेकपा चुनावमा सहभागी हुने सम्भावना देखिएको हो ।

यसअघि ‘जनयुध्द-२’ भन्दै तत्कालीन एमाओवादीबाट फुटेर मोहन वैद्यको नेतृत्वमा नेकपा माओवादी गठन गरी त्यहाँबाट पनि अर्को समूह बनाएर भूमिगत भएको थियो ।