नवलपुरमा एक दिवसीय वास्तु कार्यशाला गोष्ठी सम्पन्न
वि.सं.२०७८ चैत ११ शुक्रवार ०७:४४
नवलपुरः नेपाल ज्योतिष परिषद्को २४औं स्थापना दिवसको अवसरमा नवलपुरको कावासोतिमा एक दिने वास्तु कार्यशाला गोष्ठी सम्पन्न भएको छ ।
गोष्ठीमा कुनैपनि आवास बनाउँदा आवासभित्र शौचालय वास्तु अनुसार कुन दिशामा बनाउन उपयुक्त हुन्छ र कुन दिशामा बनाउन उपयुक्त हुँदैन साथै त्यसबाट पर्ने प्रभावका बारेमा जानकारी दिईएको थियो ।
कार्यशाला गोष्ठीमा प्रमुख अथितिका रुपमा निम्त्याएका नेपाल ज्योतिष परिषद्का केन्द्रीय कोषाध्यक्ष भूपेन्द्र घिमिरेले कानुनको बारे व्याख्या गर्दै संबैधानिक र धार्मिक कानुनबारे प्रष्ट्याएका थिए ।
त्यस्तै नवलपुरका कोषाध्यक्ष युक्तविलास गौडेलले स्वागत मन्तव्य राख्दै नेपालमा वास्तुशास्त्रको आवश्यकताको व्याख्यात्मक भनाई राखेका थिए ।
त्यसैगरि शौचालय वास्तु सम्बन्धि लामो समयदेखि ज्ञान हासिल गर्दै आएका नेपाल ज्योतिष परिषद्का केन्द्रीय सदस्य, कार्यक्रम प्रशिक्षक तथा बैज्ञानिक, ईन्जिनियर लक्ष्मीप्रसाद सोतीले उपस्थित सहभागीलाई शौचालय वास्तु सम्बन्धि प्रशिक्षण दिएका थिए ।
संगठनका सचिव गणेश ढुंगानाले संचालन गरेका गोष्ठीको सभापतित्य निता र तुलसीराम न्यौपानेले गरेका थिए भने संगठनको विस्तार र नयाँ सदस्यताको प्रक्रियाबारे जानकारी दिईएको थियो ।
वि.सं.२०७८ चैत ११ शुक्रवार ०७:४४