अखबार नेपाल ट्रेन्डिङ

काठमाडौं: आज पुष २७ गते राष्ट्र निर्माता पृथ्वीनारायण शाहको २९९औँ जन्म जयन्ती तथा राष्ट्रिय एकता दिवस भव्यताका साथ मनाइएको छ ।

राष्ट्रिय एकता दिवसका अवसरमा मुलुकभर र काठमाडौं उपत्यकाका विभिन्नो संघ-संस्था तथा व्यक्तिले पृथ्वीनारायण शाहको योगदानको स्मरणमा विभिन्न ठाउँबाट भेला भएर झाँकी र बाजागाजासहितको र्या लीले सिंहदरबार अगाडि पुगेर उनको तस्वीर र सालिकमा माल्यार्पण गरिएको थियो ।

विसं. १७७९ पुस २७ गते गोरखाका राजा नरभूपाल शाह र रानी कौशल्यावतीका जेठा छोराका रूपमा जन्मिएका पृथ्वीनारायण शाहले बाइसे–चौबीसे राज्यमा छरिएर रहेका विभिन्न राज्यहरुलाई एकीकरण गरी आधुनिक नेपालको निर्माण गरेका थिए ।

मुलुकमा गणतन्त्र घोषणा हुनुअघिसम्म पृथ्वी जयन्तीलाई एउटा पर्वको रुपमा मनाउने गरिएको थियो । तर पछिल्लो समय सरकारले यस दिनलाई औपचारिक रुपमा राष्ट्रिय एकता दिवसको रुपमा मनाउन छाडे पनि जनस्तरबाट भने यस दिनलाई राष्ट्रिय एकता दिवसको रुपमा मनाइँदै आएको छ ।

र यो पनि पढ्नुहोस्ः
पृथ्वीनारायण शाहको शालिकमा माल्यार्पण गर्न जाने क्रममा भद्रकालीमा सर्वसाधारण र प्रहरीबीच धकेलाधकेल
प्रचण्ड-नेपाल समूह निर्वाचन आयोगमा
मुलुकले व्यहोरेको राजनीति कति इमान्दार र राष्ट्रकेन्द्रित छ, कति जनहित अनुकूल छ ?: पूर्वराजा ज्ञानेन्द्र शाह
गोरखाबाट हिँडेको एकीकरण पदयात्राको टोली काठमाडौं आईपुग्यो {फोटो फिचर}