अखबार नेपाल ट्रेन्डिङ

एजेन्सी : अस्ट्रेलिया–भारतबीचको तेस्रो टेस्ट बराबरीमा सकिएको छ ।

यो खेलको जति चर्चा चलिरहेको छ त्योभन्दा बढी चर्चा भारतीय खेलाडी मोहम्मद सिरज माथि भएको नश्लवादी टिप्पणीको भइरहेको छ ।

सिड्नी क्रिकेट मैदानमा भएको तेस्रो टेस्टको चौथो दिन बाउन्ड्री लाइनमा रहेका सिराजले आफूमाथि भारतीय खेलाडी मोहम्मद नश्लवादी टिप्पणी भएको आरोप लगाएका थिए । यही कारण केही समय खेल रोकिएको थियो ।

क्रिकेट अस्ट्रेलियाले नश्लवादी टिप्पणी गर्ने केही दर्शकलाई मैदानबाट बाहिर पठाएको थियो ।

सिराजमाथि भएको यो टिप्पणीमा भारतका कप्तान विराट कोहली, पूर्व खेलाडी सचिन तेन्दुल्कर लगायतले विरोध गरेका छन् ।

विराटले घटनाको निन्दा गर्दै ट्विट गरेका छन्, ‘यो घटनाका बारेमा तत्काल गम्भीर रूपमा छानबिन होस् र दोषीलाई कडा कारबाही होस् ।’

उनी थप्छन्, ‘नश्लवादी टिप्पणी कुनै पनि हालमा स्वीकार्य छैन ।

यस्तो घटना धेरैपटक दोहोरिएको छ ।

मैदानमा यस्तो हुनु दुःखद् हो ।’

भारतका पूर्व खेलाडी सचिनले पनि यो घटनाको विरोध गर्दै ट्विट गरेका छन्, ‘खेलको मतलब हामीलाई जोड्ने हुन्छ, विभाजन गर्ने होइन ।

क्रिकेटले कहिल्यै पनि विभेद गर्दैन ।

खेलाडीलाई उसको प्रतिभाको आधारमा पहिचान गरिन्छ, उसको जात, धर्म, रंग वा राष्ट्रियताका आधारमा होइन ।

जो व्यक्ति यसलाई बुझ्दैनन् उनीहरूको खेल मैदानमा कुनै स्थान हुँदैन ।’

अन्तर्राष्ट्रिय क्रिकेट काउन्सिल (आइसिसी) ले ट्विट गरेको छ, ‘आइसिसी सिड्नी क्रिकेट मैदानमा अस्ट्रेलिया–भारतबीचको तेस्रो टेस्टमा भएको नश्लवादी घटनाको निन्दा गर्दछ र यो घटनाको छानबिनका लागि आइसिसीका तर्फबाट पूर्ण सहयोग रहनेछ ।’

क्रिकेट अस्ट्रेलियाले ट्विट गरेको छ, ‘सिड्नी क्रिकेट मैदानमा भएको घटनाप्रति हाम्रो गम्भीर ध्यानाकर्षण भएको छ ।

हामीले एनएसडब्ल्यु पुलिससँग मिलेर घटनाको जाँच गरिरहेका छौं ।’

यो पनि पढ्नु होस्

https://www.akhabarnepal.com/%e0%a4%aa%e0%a4%b2%e0%a5%8d%e0%a4%b8%e0%a4%b0-%e0%a4%b8%e0%a5%8d%e0%a4%aa%e0%a5%8b%e0%a4%b0%e0%a5%8d%e0%a4%9f%e0%a4%b8-%e0%a4%85%e0%a4%b5%e0%a4%be%e0%a4%b0%e0%a5%8d%e0%a4%a1%e0%a4%95%e0%a5%8b/