अखबार नेपाल ट्रेन्डिङ

काठमडौं ः– नेपाल ओलम्पिक कमिटी एनओसीको वार्षिक साधारण सभा भर्चुअल माध्यमबाट सम्पन्न भएको छ ।
साधारण सभाको पहिलो सत्रमा ओलम्पियनहरुको तर्फबाट ओलम्पियन दीपक विष्ट नेपाल खेलकुद पत्रकार मञ्चका अध्यक्ष देबेन्द्र सुवेदी एनओसीका सल्लाहकार तथा पूर्वखेलकुद मन्त्री शरद सिं भण्डारीले शुभ कामना दिए ।
यस्तै एनओसीका पूर्वअध्यक्ष एंव मानर्थ अध्यक्षसमेत रहेक रक्मशमशेर राणाले कार्य सफलताको शुभ कामना दिँदै नेपाली खेलकुदका अभिलेखहरु संकलन गर्ने र संरक्षण गर्नुपर्नेमा जोड दिए ।
अर्का मानार्थ अध्यक्ष ध्रुबहादुर प्रधानले वर्तमान परिस्थितीमा कसरी खेलकुदलाई अगाडि बढाउने भन्ने सल्लाह तथा सुझब दिए ।
राष्ट्रिय खेलकुद परिषद राखेपका सदस्य सचिव रमेश सिलवाले अहिलेको अवस्थामा नेपाल सरकारको प्रोटोकललाई ध्यानमा राखी खेलकुदको कार्यक्रमहरु संचालन गर्ने जानकारी गराए ।
यस्तै साधारण सभाको प्रमुख अथिति युवा तथा खेलकुद मन्त्री जगतबहादुर विश्रकर्माले एनओसीले गरिरहेको कार्य र कोभिडको महामारीमा एनओेसीले विभिन्न अनलाईन तालिम तथा प्रशिक्षणहरु संचालन गरेको कार्यको प्रशंस गरे ।
साधारण सभाबाट एनओेसीका अध्यक्ष जीवनराम श्रेष्ठले एनअनेसीको आर्थिक नियमावली र कर्मचारी नियमावली पेश गरेका थिए । जुन सर्वसम्मत पारित भयो ।
आर्थिक वर्ष २०७६÷७७ को आर्थिक प्रतिबेदन र २०२१ को अनुमानित बजेट पनि सर्वसम्मत पारित भएको छ । एनओसीका महासचिव निलेन्द्रराज श्रेष्ठले सन् २०१९÷२० को एनओसीको गतिविधिको प्रतिबेदन पेश गरेका थिए ।
एनओसीका अर्काे साधारण सभा सन् २०२१ नोभेम्बर ५ र ६ तारिक (२०७८कात्तिक १९ र २० ) मा गर्ने निर्णय समेत भएको छ ।