अखबार नेपाल ट्रेन्डिङ

काठमाडौं: लुम्बिनी विकास कोषले गौतम बुद्धको जन्मस्थल लुम्बिनीमा रहेका महत्वपूर्ण क्षेत्रको सुरक्षार्थ १ सय ७५ वटा सीसी क्यामरा जडान गरिएको छ ।

लुम्बिनी विकास कोषले उद्यानमा १ सय ७५ वटा सीसी क्यामरा र टाढासम्मको वस्तु फोकस र जुम गरेर हेर्न त्यसमध्य २५ वटा पीटीजेड क्यामरा जडान गरेको छ । विकास कोषले ती सीसी क्यामरा पवित्र उद्यान, बिहार क्षेत्र र लुम्बिनीग्रामका विभिन्न ठाउँमा जडान गरिएको जनाएको छ ।

जडान गरिएका क्यामरालाई अहिले एकै ठाउँबाट कन्ट्रोलिङ गर्न सकिने भएकाले लुम्बिनी क्षेत्रमा २४ घण्टै सुरक्षा निगरानी गरिने छ । सीसी क्योमरा प्रोक्योरमेन्ट अफ ट्रान्समिसन ब्याकबोन एन्ड आईटी इन्सफ्राक्टक्चर परियोजना अन्तर्गत जडान भएको कोषले जनाएको छ ।

लुम्बिनी विकास कोषमा राखिने कन्ट्रोल रुमबाट नेपाल प्रहरी र लुम्बिनी विकास कोषका सुरक्षाकर्मीले क्यामेरामार्फत मोनिटरमा लुम्बिनी क्षेत्रको गतिविधि नियाल्न सक्ने व्यवस्था मिलाइएको छ ।