अखबार नेपाल ट्रेन्डिङ

एजेन्सीः विश्व स्वास्थ्य संगठन (डब्लुएचओ) ले कोरोनाविरुद्धको प्रभावकारी खोप वृहत रुपमा प्रयोगमा आउनु अघि नै यो भाइरसबाट विश्वभर २० लाख मानिसको मृत्यु हुनसक्ने अनुमान गरेको छ ।

जेनेभामा आयोजित नियमित पत्रकार सम्मेलनमा डब्लूएचओका आपतकाल विभाग प्रमुख माइक राइनले विश्वब्यापी सहकार्य नहुने हो भने कोरोना संक्रमणवाट मृत्यु हुनेको संख्या सोचेभन्दा धेरै हुने बताएका हुन् ।

विश्व सामुदाय नै सचेत नभएमा कोरोना संक्रमणले सोचेभन्दा धेरै क्षति गर्ने डब्लुएचआको भनाई रहेको छ । कोरोना संक्रमणबाट अहिलेसम्म झण्डै दश लाख मानिसको मृत्यु भएको छ ।

चिसो महिना सुरु भएसँगै संक्रमणको दोस्रो लहर फैलने चिन्ता डब्लुएचओले ब्यक्त गरेको छ । मौसमी रुघाखोकी जस्तै चिसो मौसममा कोरोनाको संक्रमण दर अझ बढ्ने अनुमान समेत गरिएको छ ।