अखबार नेपाल ट्रेन्डिङ

उत्तर कोरियाली सर्वोच्च नेता किम जोङ उनसँग हुने शिखर वार्तामा सहभागि हुन अमेरिकी राष्ट्रपति किम जोङ उन भियतनामको राजधानी हनोई पुगेका छन् ।

अमेरिकी राष्ट्रपति र उत्तर कोरियाली नेता किमबीच कोरियाली प्रायद्वीपलाई आणविकरूपमा निशस्त्रीकरण गर्ने सम्बन्धमा छलफल हुने कार्यक्रम छ । विश्व समुदायले यस पटकको वार्तामा उत्तरकोरियाली आणविक कार्यक्रमका बारेमा उल्लेखनीय प्रगति हुने अपेक्षा गरेको छ ।

राष्ट्रपति ट्रम्प हिजो अबेर अमेरिकी राष्ट्रपतिको सरकारी विमान एअर फोर्स वानबाट हनोईमा रहेको अन्तर्राष्ट्रिय विमानस्थलमा अवतरण भएका हुन् । उनलाई उच्चपदस्थ भियतनामी अधिकारीले विमानस्थलमा स्वागत गरेका थिए । शिखर वार्तामा सहभागि हुन सर्वोच्च नेता किम यसअघि हिजो दिउँसो नै हनोई पुगिसकेका छन् । दुई नेताबीच आज र भोलि हनोईमा शिखर वार्ता हुने कार्यक्रम छ ।।