नख्खु बम विष्फोट प्रकरणमा संलग्न भएको आरोपमा प्रहरीद्वारा सूर्य भुजेल पक्राउ
वि.सं.२०७५ फागुन १५ बुधवार ०७:३०
काठमाडौं: नख्खु बम विष्फोट प्रकरणमा संलग्न भएको आरोपमा प्रहरीले विप्लव समूहका नेता सूर्य भुजेललाई पक्राउ गरेको छ ।
नेपाल प्रहरीको विशेष ब्यूरो र महागनरीय अपराध अनुसन्धान महाशाखाको टोलीले उनलाई हिजो दिउँसो पक्राउ गरेको हो । गत शुक्रबार साँझ नख्खुस्थित एनसेलको गेट अगाडि भएको विष्फोटमा परेर एक जनाको मृत्यु भएको थियो भने दुई जना घाइते छन् ।
घटनाको अनुसन्धानमा संलग्न एक अधिकारीका अनुसार भुजेल नेत्रविक्रम चन्द ‘विप्लव’का पूर्वअंगरक्षक रहेको बताएका छन् । हाल उनले आफूलाई भ्याल्ली कमाण्डर भएको बताउने गरेका छन् । अनुसन्धान अधिकारीका अनुसार उनी नख्खु विष्फोटका वेला घटनास्थलमै उपस्थित थिए । लोत्सेचोकमा भएको विष्फोट पनि उनकै योजनामा भएको प्रहरीको दाबी छ ।।
वि.सं.२०७५ फागुन १५ बुधवार ०७:३०