भारतले आज ७७औँ स्वतन्त्रता दिवस मनाउँदै, भारत अंग्रेज शासनबाट मुक्त भएको दिन
वि.सं.२०८० साउन ३० मंगलवार ०७:१९
एजेन्सी: अगष्ट १५ अर्थात् भारतको स्वतन्त्रता दिवस । भारतले आन ७७औँ स्वतन्त्रता दिवस मनाउँदैछ । भारत स्वतन्त्र भएको ७६ वर्ष पूरा भएर ७७ वर्ष लागेको हो ।
यो अवसरमा प्रधानमन्त्री नरेन्द्र मोदीले राजधानी नयाँदिल्लीको लालकिल्लाबाट सम्बोधन गर्ने कार्यक्रम छ । सन् २०१४ मा सत्तामा आएका मोदीको स्वतन्त्रता दिवसको अवसरमा लालकिल्लामा हुने सम्बोधन यसपालि १०औँ हो ।
स्वतन्त्रता दिवसको कार्यक्रमका लागि सुरक्षा व्यवस्था कडा पारिएको भारतीय सञ्चारमाध्यमले जनाएका छन् ।
भारत सन् १९४७ मा अंग्रेज शासनबाट मुक्त भएको थियो । त्यसपछि नै आधुनिक भारतले स्वतन्त्र राष्ट्रका रूपमा काम गर्न थालेको हो ।
पाकिस्तानले भने अगष्ट १४ मा स्वतन्त्रता दिवस मनाउँछ ।
वि.सं.२०८० साउन ३० मंगलवार ०७:१९