अखबार नेपाल ट्रेन्डिङ

एजेन्सी: अमेरिकाले भेनेजुएला माथि थप नाकाबन्दी लगाउने घोषणा गरेको छ । राष्ट्रपति निकोलस मदुरोका २९ वर्षीया छोरा निकोलस इर्नेष्टो मदुरो विरुद्ध नयाँ प्रतिबन्ध लगाउने घोषणा अमेरिको छ ।

इर्नेष्टो मदुरो संबैधानिक संसदका एक सदस्य पनि हुन् । नयाँ प्रतिबन्ध अनुसार इर्नेष्टो मदुरोको अमेरिकामा रहेका सम्पत्ती रोक्का र अमेरिकी कम्पनीलाई उससँग कारोबार गर्न रोक लगाइएको छ । शुक्रबार अर्थमन्त्री स्टिभ म्नुचिनले पिताको अवैधानिक शासनलाई सहयोग गरेवापत इर्नेष्टो मदुरोलाई सजाय स्वरुप प्रतिबन्ध लगाउने निर्णय भएको जानकारी दिएका छन् ।

भेनेजुएलाका जनता माथि दमन र तानाशाही शासनका लागि महत्वपुर्ण भुमिका इर्नेष्टो मदुरो र केहि अधिकारी रहेको पनि उनले बताए । आर्थिक संकट झेलिरहेको भेनेजुएलामा विपक्षी नेताले गत जनवरीमा अन्तरिम राष्ट्रपति घोषणा गरेपछि सक्ती संघर्ष चुलिएको छ ।