अखबार नेपाल ट्रेन्डिङ

एजेन्सी: राष्ट्रपति मैत्रिपाला सिरिसेनाले संकटकाल र आज एक दिने राष्ट्रिय शोक घोषणा गरेका हुन् । त्यस्तै सोमबारदेखि राजधानी कोलम्बोमा राती ८ बजेदेखि बिहान ४ बजेसम्म कर्फ्यू आदेश जारी गरिएको सरकारले बताएको छ ।

आइतबारको आक्रमणपछि राजधानीमा तनाब बढेको भन्दै सरकारले कर्फ्यू लगाएको हो । यस्तै राष्ट्रपति सिरिसेनाले इस्टर पर्वको समयमा भएको विस्फोटको छानबिन गर्न सर्वोच्च अदालतका पूर्वन्यायधीशको नेतृत्वमा कमिटी गठन गरेका छन् । यसैबीच सरकारले चर्च र पाँच तारे होटलमा गराइएको आत्मघाति बम विस्फोटमा इस्लामिक अतिवादी समूह नेशनल थोहीत जमात एनटिजेको हात रहेको आरोप लगाएको छ ।

सरकारका प्रवक्ता राजिथ सेनारतनले आतातयी आक्रमणमा एनटिजेको हात रहेको दाबी गरेका हुन् । उक्त समूहसँग अन्तर्राष्ट्रिय सहयोग भए नभएकोबारे अनुसन्धान भइरहेको जानकारी पनि सेनारतनले दिएका छन् । तर विस्फोटको जिम्मेवारी भने हालसम्म कसैले लिएको छैन् । सन् २ हजार ९मा गृहयुद्ध समाप्तिपछि भएको सवैभन्दा ठूलो आक्रमणमा २ सय ९० भन्दाबढी मानिसको मृत्यु भइसकेको छ भने ५ सयभन्दा बढी घाइते भएका छन् । विस्फोटपछि प्रहरीले घटनामा संलग्न भएको आशंकामा २४ जनालाई नियन्त्रणमा लिएर अनुसन्धान सुरु गरेको बताइएको छ ।