अखबार नेपाल ट्रेन्डिङ

चलचित्र ‘आफ्नो मान्छे’ मा समावेश सुपरहिट गीत ‘चट्ट रुमाल क्या मालुम’ फेरि एकपटक चर्चामा आएको छ । निर्माण भइरहेको फिल्म ‘यात्राः अ म्युजिकल भ्लग’ मा यो गीतलाई रिमेक गरेर राखिएपछि गीतको थप चर्चा भएको हो ।

‘आफ्नो मान्छे’ मा समावेश गीतलाई उदितनारायण झा, साधना सरगम, सम्भुजित बाँस्कोटा, प्रकाश श्रेष्ठ, दीपा झा लगायतले स्वर दिएका थिए भने स्वर्गीय अभिनेता श्रीकृष्ण श्रेष्ठ र निरुता सिंहले अभिनय गरेका थिए ।

काठमाडौंमा आयोजना गरेर औपचारिक गरिएको ‘यात्रा’ मा समावेश नयाँ भर्सनको गीत ‘चट्ट रुमाल’ मा मेलिना राई र धर्मेन्द्र सेवानको स्वर रहेको छ भने शब्द बाबुराम दाहालका हुन् । सम्राट शाक्यले निर्देशन गरेको फिल्म ‘यात्रा’ मा कथा पनि निदेशक शाक्यकै छ ।

यो फिल्मबाट मालिका महतले नेपाली फिल्ममा डेब्यु गर्दैछिन् । केशब भट्टराई प्रस्तुतकर्ता रहेको यो फिल्मले चैत्र २९ गतेलाई रिलिज मिति तोकेको छ ।