अखबार नेपाल ट्रेन्डिङ

एजेन्सी: राजस्थानकी सुमन राव सन् २०१९ को मिस इन्डिया घोषित भएकी छिन् । अन्तिम चरणको प्रतिस्पर्धाबाट राव यस वर्षको मिस इन्डिया बन्न सफल भएकी हुन् । उनलाई २०१८ की मिस इन्डिया अनुक्रिती भासले मिस इन्डियाको ताज पहिराइदिएकी थिइन् ।

छत्तीसगढकी सिवानी जाधव मिस ग्रान्ड इन्डिया र स्रेया शंकर मिस इन्डिया युनाइटेड कन्टिनेन्ट घोषित भइन् । अन्तिम चरणको सो कार्यक्रममा बलिउड अभिनेत्री कटरिना कैफ र बिक्की कौशलले नृत्य प्रस्तुत गरेका थिए । निर्देशक करण जोहर र मनिश पौलले सञ्चालन गरेको सो कार्यक्रममा उनीहरुलाई मिस वर्ल्ड २०१७ मानुसी छिल्लरले समेत सघाएकी थिइन् ।

कार्यक्रममा हुमा कुरेसी, दिया मिर्जा, नेहा धुपिया, चित्रांगदा सिंहलगायतको समेत उपस्थिति रहेको थियो ।