अखबार नेपाल ट्रेन्डिङ

काठमाडौं: सञ्चारकर्मी तथा रचनाकार मनोज केसी समयको शब्दमा रहेको ‘कहिले बन्छ देश’ बोलको गीत युटुब च्यानल मार्फत सार्वजनिक भएको छ । चर्चित रियालिटी सो ‘लोक स्टार’का टप ४ मा पर्न सफल गायक रामकुमार नेपालीले उक्त गीतमा स्वर दिएका छन् ।

गीतमा रचनाकार केसीले नेपालमा भईरहेको वर्तमान राजनीतिक व्यथितिले गर्दा भ्रष्ट्रचार, लुटपाट, बलात्कार जस्ता जघन्य अपराध बढिरहेका बेला अन्यायमा परेकालाई न्याय दिलाउन नसकेर पहुँचवालाहरुको दवावमा सोझा सिधा जनतालाई विभिन्न बहानामा दु:ख कष्ट व्यहोर्नुपरेको यथार्थ भावलाई शब्द मार्फत उजागर गरेका छन् । रचनाकार केसीले समृद्धिको नाममा सँधै भ्रष्ट्रचारले चुर्लुम्म डुबेको नेपाल कहिले बन्छ देश भनेर प्रश्न गरेका छन् ।

राजेश बर्देवाको संगीत रहेको गीतलाई बिनोद बाजुरालीले एरेन्ज गरेका छन् । गीतको म्यूजिक भिडियोमा गायक स्वयं रामकुमार नेपाली र श्रेया गौतमले जिवन्त अभिनय गरेका छन् भने डीआर सुजनको निर्देशनमा बनेको सो भिडियोलाई रक कुशललीले छांयाकन गरेका छन् ।

{भिडियो}