अखबार नेपाल ट्रेन्डिङ

काठमाडौं: प्राइम कमर्सियल बैंकले कैलाश विकास बैंक प्राप्तिपछि देशको पाँचौं ठूलो वाणिज्य बैंक बनेको छ । बिहीबार एकीकृत कारोबारको क्रममा बैंकका प्रमुख कार्यकारी अधिकृत नारायणदास मानान्धरले प्राइम कमर्सियल बैंकको चुक्ता पुँजी १३ अर्ब ९७ करोड रुपैयाँ पुगिसकेको र अब २२ अर्ब रुपैयाँ पुर्याउने तर्फ बैंक अघि बढेको बताए ।

प्राइम कमर्सिलय बैंक देशमा रहेका अन्य वाणिज्य बैंकहरुको पुँजी, लगानी, प्रतिफल र शाखा सञ्जालका हिसावले पाँचौं नम्बरमा आएको उनले दावी गरे । ‘प्राइम कमर्सिलय बैंकले यसभन्दा पहिला नै घोषणा गरेको २२ अर्ब चुक्ता पुँजी पुर्याउन अब हामीलाई सहज हुँदै गएको छ बैंकले शुरुदेखि नै लगानीकर्तालाई उच्च प्रतिफल दिँदै आएको छ । बैंकले घोषणा गरेको २२ अर्ब चुक्ता पुँजी अन्य सवल बैंकसँगको मर्ज वा प्राप्ति र उच्च लाभांशबाट नै पुर्याउँछौं’ उनले भने ।

विदेशमा करिब ४० वर्षसम्म सरकारी जागिरको अनुभाव लिएर परिपक्क भएपछि मात्र व्यवसायमा सञ्चालन गर्ने चलन भएको बताउँदै नेपालमा भने यस्तो नभएको उनको तर्क छ । बाफियामा नै सरकारले बैंकिङ क्षेत्रको लगानीकर्ता र व्यवसायलाई अलग गर्ने विषयमा भने प्रमुख कार्यकारी मानान्धरले व्यवसायी र बैंकर सरकारले छुट्याइ दिन आग्रह गरे ।

पछिल्लो पटक राष्ट्र बैंकले ल्याएका नीतिहरु राष्ट्र बैंकले दुरगामी रुपमा राम्रोको लागि ल्याएको होला । तर, तत्कालका लागि जसरी ल्यायो यो ठिक नभएको उनको तर्क छ । बैंक तथा वित्तीय संस्थासँग सम्बन्धी नीतिहरू ल्याउँदा तत्काल पर्ने असरलाई पनि हेर्न उनले सुझाव दिए ।

बैंकका प्रमुख कार्यकारी अधिकृत मानन्धरले बैंकको सम्पूर्ण वित्तीय सूचकहरू सुरक्षित राख्दै सवल र स्वस्थ बैंक बन्ने प्रतिवद्धता समेत जनाए । बैंकको उद्देश्य भनेको वित्तीय संस्थालाई एक अर्काका गाभ्नेभन्दा पनि समाहित गर्ने हो, यहि रणनीतिका अनुसार बैंकको शाख जोगाउँदै हामी अबका दिनमा अघि बढ्ने मानन्धरले बताए ।

अहिले कैलाश विकास बैंकसँग काठमाडौं उपत्यकामा २५ र उपत्यका बाहिर ८७ ओटा सहित १ सय २ वटा शाखा सञ्जाल छ । प्राइम र कैलाश मर्जरपछि देशभर २ सय शाखा पुग्छ भने काठमाडौं उपत्यका मात्रै ५० भन्दा बढी शाखा रहने छ ।