अखबार नेपाल ट्रेन्डिङ

काठमाडौं: नेपाल आयल निगमले गएरातिबाट लागू हुने गरी पेट्रोलियम पदार्थको मूल्य बृद्धि गरेको छ । निगमले पेट्रोल, डिजेल र मट्टितेलको मूल्य प्रतिलिटर २ रुपैयाँका दरले बढाएको हो । इन्डियन आयल कर्पोरेसनबाट १ डिसेम्बरमा जारी नयाँ खरीद मूल्यका आधारमा निगमले मूल्यवृद्धि गरेको जनाएको छ ।

गएरातीदेखि लागु भएको मुल्य बृद्धिपछि काठमाडौं उपत्यकामा प्रति लिटर पेट्रोलको मूल्य अब १ सय ९ रुपैयाँ, डिजेल र मट्टितेलको ९७ रुपैयाँ कायम भएको छ । हवाइ इन्धन र एलपी ग्यासको मूल्य बढेर आएको भएपनि हाललाई नेपालको मूल्य यथावत राखिएको निगमले जारी गरेको प्रेस विज्ञप्तिमा उल्लेख छ ।।