अखबार नेपाल ट्रेन्डिङ

बाग्लुङ: बागलुङ जिल्लाको पश्चिम बडिगाडमा जीप दुर्घटना हुँदा १४ जनाको मृत्यु भएको छ । गुल्मीको इश्मा गाउँपालिका वडा नम्बर ५ दोहोली रिप कैयापाटाबाट बागलुङको निसीखोला गाउँपालिका तर्फ जाँदै गरेको जीप बडिगाड गाउँपालिका वडा नम्बर ७ भिमगिठेको घोकर्णामा दुर्घटना हुँदा ९ महिला र चार पुरुषको मृत्यु भएको प्रमुख जिल्ला अधिकारी लुकबहादुर क्षत्रीले बताउनुभयो ।

मध्यपहाडी लोकमार्गबाट करिब तीन सय मिटर तल खोलामा जीप खस्दा गम्भिर घाइते भएका तीन जनालाई भने स्थानीय र प्रहरीले उद्धार गरी स्वास्थ्य संस्था तर्फ पठाएका छन् । दुर्घटनामा एक बालक हराइरहेको जाईएको छ । दुर्घटनामा परेका सबै निसीखोलामा कुलपुजाका लागि जाँदै गरेको बुझिएको घटनास्थलमा रहेका स्थानीय दिनेश शर्माले बताउनुभयो । घटनाको थप बिवरण आउन बाँकी छ ।