अखबार नेपाल ट्रेन्डिङ

काठमाडौं: एवन ग्रुपले काठमाडौंको कोटेश्वरमा एक हजार क्षमताको पार्टी भेन्यु सहितको होटल सञ्चालनमा ल्याएको छ ।

उपत्यकामा एवन सहित विभिन्न ब्राण्डमा ४० भन्दा बढी संख्यामा रेष्टुरेन्ट, होटेल तथा पार्टी भेन्यु सञ्चालन गर्दै आएको सो ग्रुपले असार पहिलो साताबाट होटल सञ्चालन गरेको हो ।

हिमालय कलेज रहेको भवन तथा जग्गालाई व्यवस्थित गर्दै करिब ११ करोडको लगानीमा रोयल संरचनामा अध्याधुनिक ब्याङ्क्वेट हल तथा होटल सञ्चालन गरिएको ग्रुपका सञ्चालक तथा व्यवस्थापक सुबास श्रेष्ठले जानकारी दिए ।

काठमाडौंको आवश्यकतालाई मध्यनजर गर्दै संस्थाले लामो समयको अध्ययनपछि होटल सञ्चालनमा ल्याएको श्रेष्ठले जानकारी दिए ।

ठूला होटलले प्रदान गर्ने सेवा, सुविधा सस्तो शुल्कमा प्रदान गरिने भन्दै सञ्चालक श्रेष्ठले काठमाडौंमा नमुना होटलको रुपमा स्थानीय आवश्यकतालाई महसुस गर्दै फरक अवधारणमा  लगानी गरिएको उनले बताए ।

सो होटलमा पार्टी प्यालेस, कफीसप तथा बेकरी, रेष्टुरेन्ट तथा बार, जिम तथा ट्राभलका लागि गाडी व्यवस्था गरिएको छ ।

होटेलमा तीन प्रकारका कोठाको व्यवस्था गरिएको उल्लेख गर्दै श्रेष्ठले एकैपटकमा एक हजार जनालाई खाना खुवाउन सक्ने गरी सेमिनार तथा भोजभतेर गर्न सकिने हलको सुविधा रहेको जानकारी दिए ।

नेपाली, नेवारी, इण्डियन लगायतका एशियन फुड्सको सेवा उपलब्ध गराउने गरी होटल सञ्चालन गरिएको श्रेष्ठले बताए । २ हजार ५ सय देखि पाँच हजारसम्मका बास बस्ने कोठाको व्यवस्था गरिएकाले अन्यको दाँजोमा सस्तो र गुणस्तरीय सेवा प्रदान गरिने श्रेष्ठले बताए ।

होटलमा हाल प्रत्यक्ष रूपमा २४ जना कर्मचारीले रोजगार पाएका छन् । ए वान ग्रुपले विभिन्न शाखामार्फत प्रत्यक्ष रुपमा पाँच सय जनालाई रोजगारी प्रदान गरेको छ भने १३५ जनालाई उद्यमशील बनाएको छ ।