अखबार नेपाल ट्रेन्डिङ

काठमाडौं: नेपाल क्रेडिट एण्ड कमर्स (एनसीसी) बैंक लिमिटेडले आजबाट २६ लाख ३३ हजार १३६ कित्ता संस्थापक शेयर विक्रीमा ल्याएको छ ।

बैंकले विद्यमान संस्थापक शेयरधनी लगाएत अन्य इच्छुक व्यक्ति तथा कम्पनीहरूले समेत खरीद गर्न पाउने गरी यो शेयर विक्रीमा ल्याएको हो ।

यो शेयरको मूल्य प्रतिकित्ता रू. १३१ तोकिएको छ । इच्छुक खरीदकर्ताहरूले साउन ११ गतेसम्म उक्त शेयर खरीदका लागि गोप्य शिलबन्दी बोलपत्र पेश गर्न सक्नेछन् ।

तोकिएको मूल्य वा सोभन्दा बढी मूल्य अंकित गरी न्यूनतम १ हजार कित्तादेखि अधिकतम सम्पूर्ण कित्तासम्म माग गर्न सकिने व्यवस्था छ । यो शेयर विक्री प्रबन्धकमा सन्राइज क्यापिटल लिमिटेड रहेको छ ।