अखबार नेपाल ट्रेन्डिङ

काठमाडौं:  नेपालमा पहिलो पटक धार्मिक तथा पुजा सामग्री एकै ठाँउमा पाउने सुविधा उपलव्ध हुने भएको छ । गुरुमञ्जरी समूहले नेपालमा पहिलो पटक धार्मिक ई–कमर्श प्लेटफर्म मार्फत शुक्रबारबाट सेवा सुरु गरेको छ ।

सो समुहले पूजा गर्दा कुनै सामग्रीको कमि नहोस भन्ने उद्देश्यले विदेशमा समेत सेवा दिनेगरी सेवा सुरु गरेको हो । समुहले घरमा राख्ने मन्दिर, तुलसीको मोठ (महिरो), विवाह, व्रतबन्ध, क्रियाकर्म, नामाकरण (न्वारान), घरपूजा, शिलान्यास, नवग्रह, जन्मोत्सव, सत्यनारायण पूजा, श्राद्द सामग्री, सम्पूर्ण पूजाभाडा सेट, चाडपर्व विषेश सामग्रीहरु उपलव्ध गराउने जनाएको छ ।

त्यस्तै (दुर्गा पूजा) का लागी जमराको जौदेखि सम्पूर्ण सामग्री, हरितालिका पूजा, लक्ष्मीपूजा (सप्तरङ्गी र मखमली माला सहितको टीकादेखि लक्ष्मीपूजाको सम्पूर्ण सेट), नेवार समुदायमा प्रयोग गरिने म्हः पूजा सामग्री सेट, र अन्य धार्मिक प्रयोजनको लागि प्रयोग हुने पूजा सामग्रीहरु पनि उपलव्ध हुनेछन् ।

विशेषगरी अरु समग्र सामग्रीहरुमा ब्राण्ड ईक्युटी पाइने भएपनि धार्मिक क्षेत्रमा भने कुनै ब्राण्डिङ नभएकोले यसको सुरुवात पनि आफुहरुले गर्ने प्रयास गरेको कम्पनीका कार्यकारी प्रमुख हरिहर ढुङ्गानाले बताए ।

विदेश वा स्वदेशमा रहने छोराछोरीहरुले आमाबुवाहरुलाई जन्मोत्सव, विवाह वर्षगाँठ (Marriage Anniversary) जस्ता अवसरहरुमा एक दिने, तिन दिने, सात दिने धार्मिक तिर्थयात्राका प्याकेजका कार्यक्रमहरु छन् ।

जसमा यात्राका क्रममा धार्मिक क्षेत्रका विभिन्न व्यक्तिहरुद्वारा भजन, प्रवचन, तथा सम्बन्धित तिर्थहरुको महिमाले पनि आनन्दित गराईनुको साथै यसको लागि अनलाईनबाटै टिकट बुकिङ व्यवस्था गरिएको कार्यकारी प्रमुख ढुङ्गानाले जानकारी दिए ।

समुहले अष्ट्रेलिया, अमेरिका लगायतका देशमा परिक्षण व्यापार सफल भएको जनाएको छ । समुहका उत्पादित सामग्रीहरु ति देशका नेपाली सुपरमार्केटहरु तथा विदेशमा नेपालीका ग्रोसरी सपहरु तथा e-commerce platform मा उपलब्ध हुने  कुरा अष्ट्रेलियाका कार्यकारी प्रमुख पंडित प्रकाश ढोडारीले जानकारी दिए ।

भर्खरै सेवा सुरु गरेको सो समुहले Women Empowerment भलत मा पनि टेवा पुर्याउने बताएको छ । हाल कम्पनीमा कार्यरत श्रमीक मध्ये ७० प्रतिशत महिला रहेको भन्दै आफुहरुको यस प्रयासले Woment Empowerment मा सहयोग पुग्ने मार्केटिङ विभाग प्रमुख निगुमा पुरीले बताइन् ।

यो पनी पढ्नुहोस् :

आरविवि म्युचुअल फण्ड १ नेपाल स्टक एक्सचेञ्जमा सूचीकृत