अखबार नेपाल ट्रेन्डिङ

काठमाडौं: नेपालमा पछिल्लो २४ घण्टामा २ हजार ६५ जनामा कोरोना भाइरस संक्रमण पुष्टि भएको छ ।

पछिल्लो २४ घण्टामा देशभरका प्रयोगशालामा गरिएको १३ हजार १ सय १७ जनाको पिसिआर र एन्टीजेन परीक्षणमा २ हजार ६५ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार ८ हजार ७ सय ५२ जनाको पिअिसार परीक्षण गर्दा १ हजार ५ सय ७७ र ४ हजार ३ सय ६५ जनाको एन्टीजेन परीक्षण गर्दा ४ सय ८८ जनामा संक्रमण पुष्टि भएको हो ।

देशभर २ हजार ३ सय ३७ जना संक्रमित निको भएर घर फर्किएका छन् ।

पछिल्लो २४ घण्टामा २५ जना संक्रमितको मृत्यु भएको छ । देशभर ३७ हजार ५ सय ९९ जना सक्रिय संक्रमित रहेको स्वास्थ्य मन्त्रालयले जनाएको छ ।

तीमध्ये ३४ हजार ६ सय ७६ होम आइसोलेसनमा छन् । संस्थागत आइसोलेसनमा २ हजार ९ सय २३ संक्रमित छन् भने ६ सय २२ जना आइसियुमा र १ सय ७१ जनाको भेन्टिलेटरमा उपचार भईरहेको छ । देशभर ३ सय ६७ जना क्वारेन्टाइनमा रहेको स्वास्थ्य मन्त्रालयले जनाएको छ ।