अखबार नेपाल ट्रेन्डिङ

काठमाडौं:  सीताराम गोकुल मिल्क्स काठमाण्डौ प्रालिले विभिन्न उत्पादनहरु बजारमा ल्याएको छ । सीताराम दूध उत्पादन र बिक्रीवितरणको २५ बर्ष पुगेको शुभ अवसरमा विभिन्न उत्पादनहरु बजारमा ल्याएको हो ।

सीताराम दूध आमनेपालीहरुले विगत २५ बर्षदेखि सेवन गर्दै आइरहेका छन्। आधुनिक प्रविधिसँगसँगै सीतारामले आमनेपालीको भान्सामा आवश्यक पर्ने सीताराम दूध, सीताराम घिउ, पनिर बटर र चिनीसहित र चिनीरहितको दही, सीताराम फ्रेस मिल्क तथा लस्स्सी बजारमा बिक्री बितरणमा ल्याएको हो।

केडिया अर्गनाइजेसनको भागिनी संस्थाका रुपमा स्थापना भएको सीताराम गोकुल मिल्कसको उत्पादन कारखाना कीर्तिपुरको दूधपोखरीमा रहेको छ । सीताराम दूध नेपालको निजी क्षेत्रको सबैभन्दा ठूलो दूध तथा दुग्धजन्य पदार्थ उत्पादन गर्ने डेरी हो ।

एउटा दूग्ध उत्पादक डेरीको उत्पादन अब एउटै बास्केटमा आएको सीताराम डेरीका प्रबन्ध निर्देशक सुमित केडियाले बताए। ‘हामीले आमग्राहकको सल्लाह र सुझाव बमोजिम सीतारामका उत्पादनहरु बजारमा ल्याएका छौँ र आमसर्बसाधरण सबैले सजिलै बिभिन्न डिपार्टमेन्टल स्टोरजस्तै भाटभटेनी, बिगमार्टलगायत अन्य मार्ट तथा पसलहरुमा पाउनुहुनेछ’, उनले भने, ‘सीतारम डेरीको आफ्नै आउटलेट कुलेश्वरबाट समेत खरिद गर्न सक्नुहुनेछ ।’

यो पनी पढ्नुहोस् :

एमडीएमएस लागू गरिए पनि मोबाइल सेट बन्द नगरिने