अखबार नेपाल ट्रेन्डिङ

काठमाडौं:  प्रभु पेले आफ्नो सेवालाई अपाङ्गमैत्री बनाएको छ । प्रभु पेले मोवाइल वालेट प्रविधि प्रयोगमा अपाङ्गता भएका बर्गलाई सजिलो हुने गरी टकब्याक फीचर सेवा राखेको हो ।

अपाङ्गता भएका व्यक्तिहरुले आजको प्रविधिको उपयोग गर्न पाउनुपर्छ भन्ने उद्देश्यका साथ प्रभु पे अपाङ्गमैत्री बनाएको जनएको छ ।

कम्पनीका अनुसार अपाङ्गता भएका व्यक्तिले सजिलै प्रभु पे एपमार्फत अनलाइन कारोबार गर्न सक्छन् । जसका लागि प्रभु पेको ‘टकब्याक’ ले सपोर्ट गर्छ ।

टकब्याक फिचर दृष्टिबिहीन अपाङ्गता भएका व्यक्तिहरुको सहजताका लागि एन्ड्रोइडले उपलब्ध गराएको फिचर हो । एन्ड्रोइड मोबाइलमा यो फिचर अन गर्दा मोबाइलले प्रयोगकर्तालाई मोबाइल स्क्रिनमा भएको ईमेल, टेक्स लगायतका विषय बोलेर सुनाउँछ ।

यसै फिचरमा मिल्नेगरी प्रभु पेले आफ्नो एप तयार पारेको हो । त्यसआधारमा आफूले प्रयोग गर्न खोजको के हो पत्ता लगाएर फोन प्रयोग गर्न सकिन्छ । यसको अर्थ प्रभु पेको यो फिचर एन्ड्रोइड फोन प्रयोगकर्ताले मात्रै प्रयोग गर्न पाउने छन् ।

दृष्टिबिही भएका व्यक्तिले मोबाइलमा टकब्याक फिचर अन गरी प्रभु पे मार्फत मोबाइल रिचार्ज गर्ने, बिजुली, खानेपानी, इन्टरनेट, टेलिफोनको बिल तिर्ने, हवाई टिकट काट्ने लगायतका सेवाको अनलाइन भुक्तानी गर्न सक्ने छन् ।

प्रभु ग्रुपअन्तर्गतको ‘प्रभु पे’ले अपांगता संरक्षण नेपालसितको सहकार्यमा अपांगता भएका व्यक्तिको पहुँचमा सेवा पुर्‍याएको छ । प्रभु टेक्नोलोजीले दृष्टिविहीनहरूले सहज रूपमा चलाउन सक्ने विद्युतीय भुक्तानी सुविधा दिएको छ ।

एन्ड्रोइड मोबाइलमा बोल्ने प्रविधि (मोबाइलमा ‘टक ब्याक’ र कम्प्युटरमा ‘एनभिडिए’) सहायताले हामी डिजिटल प्रणालीको सहजै प्रयोग गर्न सकिन्छ । स्मार्ट फोन प्रयोगकर्ताका लागि मात्र नभएर प्रभु पेले बार फोन प्रयोगकर्ताका लागि समेत यो सुविधा दिएको छ ।

प्रभु पेले अपांगता भएका व्यक्तिहरूलाई हरेक कारोबारमा क्यासब्याकमा पनि विशेष सुविधा दिएको छ । अपाङ्गता भएका व्यक्तिहरूले प्रभु पे मोबाइल वालेटको केवाइसी भर्दा अपाङ्गता परिचयपत्र पनि राख्नुपर्छ ।

नेपालमा निजीस्तरको कम्पनीले पहिलोपटक अपांगता भएका व्यक्ति नै कर्मचारी राखी अपांगता भएका व्यक्तिहरूलाई विद्युतीय सेवा प्रदान गर्दै आएको छ ।

यो पनि पढ्नुहोस् :

हाइड्रोइलेक्ट्रीसिटी (एचआईडिसीएल) को शेयरमूल्य समायोजन