अखबार नेपाल ट्रेन्डिङ

काठमाडौ : कर्णाली प्रदेशका मुख्यमन्त्री महेन्द्रबहादुर शाहीमाथि नेपाल कम्युनिष्ट पार्टी(नेकपा)कै १८ जना सांसदहरुले अविश्वासको प्रस्ताव दर्ता गरेपछि नेकपाभित्र हंगामा मच्चिएको छ ।

यो विषयलाई लिएर पुष्पकमल दाहाल(प्रचण्ड)ले प्रधानमन्त्री समेत रहेका केपी शर्मा ओलीलाई भेटेर कर्णालीको समस्या मिलाउन आग्रह गरेका छन् ।

आज भएको भेटवार्ताको क्रममा प्रचण्डले कर्णालीमा उत्पन्न विवाद समाधान गर्न प्रधानमन्त्री ओलीलाई आग्रह गरेका हुन ।

ओलीसमक्ष दाहालले ‘कर्णालीमा भएको घटनाले पार्टी एकताको मर्म विपरीतको निर्णय भयो। त्यसैले तपाईले यो तत्काल मिलाउनुहोस्’ भनेर भनेको दाहाल निकट श्रोतले बतायो ।

प्रधानमन्त्री ओलीलाई भेट्न बालुवाटार जानुअघि अध्यक्ष प्रचण्डले खुमलटारमा वरिष्ठ नेता माधवकुमार नेपालसहितका नेताहरुलाई बोलाएर छलफल गरेका थिए। भेटमा दाहालको कुरालाई सिरियस रुपमा ओलीले नलिएको चर्चा बालुवाटारमा चल्न थालेको छ ।