अखबार नेपाल ट्रेन्डिङ

काठमाडौं: माछापुच्छ्रे बैंक लिमिटेडले साधारण सभा डाकेको छ। माछापुच्छ्रे बैंक यो वर्ष वार्षिक साधारणसभा आह्वान गर्ने पहिलो बैंक बनेको छ ।

माछापुच्छ्रे बैंकको असोज १४ गते बसेको संचालक समितिको बैठकले भिडियो कन्फ्रेन्समार्फत सहभागी हुनसक्ने गरी कात्तिक ६ गते साधारणसभा आह्वान गरेको छ । साधारणसभा कास्कीको पोखरास्थित होटल पोखरा ग्राण्डमा ११ बजे शुरु हुनेछ।

साधारणसभाले बैंकको सञ्चालक समितिले प्रस्ताव गरेबमोजिम शेयरधनीहरुलाई चुक्ता पूँजीको ७.०३ प्रतिशत अर्थात ५९ करोड ४६ लाख १६ हजार ९३१ रुपैयाँ बराबरको बोनस शेयर वितरण गर्ने विशेष प्रस्ताव पारित गर्नेछ। यसका साथै, ३.७३ प्रतिशतका दरले बोनस तथा नगद लाभांशमा लाग्ने कर सहित २८ करोड ५० लाख ६४ हजार ७४४ रुपैयाँ बराबरको नगद लाभांश वितरण गर्ने प्रस्ताव पारित गर्नेछ।

सभामा आर्थिक वर्ष २०७६/७७ को संचालक समितिको वार्षिक प्रतिवेदन उपर छलफल गरी पारित गर्ने प्रस्ताव राखिएको छ । सर्वसाधारण समूहका सेयरधनीहरुको तर्फबाट संचालक समितिमा प्रतिनिधित्व गर्ने ३ जना संचालकहरुको निर्वाचन गर्ने छ । बैंकले साधारणसभा प्रयोजनका लागि असोज २२ गते सेयर दाखिला खारेजको दर्ता बन्द हुने छ । माछापुच्छ्रे बैंकको साधारणसभामा सहभागी हुनका लागि असोज २२ गते अगाडि कायम सेयरधनी मात्र योग्य हुनेछन्