अखबार नेपाल ट्रेन्डिङ

काठमाडौं: स्वदेशी पर्यटकलाई लक्षित गर्दै चन्द्रागिरी हिल्स लिमिटेडले ५० प्रतिशत छुटको व्यवस्था गरेको छ । चन्द्रागिरीले केबुलकारदेखि रिसोर्टमा बस्न अर्थात  नाइट ‘स्टे’सम्मका लागि छुटको व्यवस्था गरेको छ ।

कोरोना भाईरस महामारीकाबिच सोचेजस्तो आन्तरिक पर्यटकको ‘फ्लो’ नभएपनि असोज १ गतेदेखि पर्यटक आउने क्रम बढेको छ । कोरोना भाईरस यो महामारीमा विदेशी पर्यटक आउने सम्भावना कम भएकोले स्वदेशी पर्यटनलाई ध्यानमा राखेर यो प्योकज ल्याएको कम्पनीले जनाएको छ ।

चन्द्रागिरीले आम नेपाली ग्राहकलाई लक्षित गर्दै तीन प्रकारको प्याकेज सार्वजनिक गरेको छ । उक्त प्याकेजअन्तर्गत स्वीट रुममा बस्न चाहने अतिथिले एक रातको साढे ६ हजार, डिलक्स रुपको साढे ७ हजार  र एजुकेटिभ रुममा बस्न चाहेनले ९ हजार रुपैयाँ तिर्नुपर्ने हुन्छ ।

यहाँ दिएको सेवा सुविधा अत्यन्तै सस्तो हो । उहाँहरूले रुममा  बस्न र भोलिपल्टको ब्रेक फाष्ट त्यसैको प्याकेजमा पाउनु हुनेछ भने लञ्च तथा डिनर भने अतिथि आफैले रोजेर मन लागेको खान पाउने कम्पनीले जनाएको छ ।

चन्द्रगिरी काठमाडौंकै सबैभन्दा अग्लो स्थान २५५१ मिटरको उचाइमा रहेको प्राकृतिक सौन्दर्यको अनुपम स्थल हो । चन्द्रागिरी चुचुरोबाट सर्वोच्च शिखर सगरमाथाको साथै गौरी शंकर, गणेश तथा मनास्लु हिमाल अवलोकन सकिन्छ । करिब १८० डिग्रीको रेन्जमा यहाँबाट हिमश्रृंखलाको अवलोकन गर्न सकिन्छ ।