अखबार नेपाल ट्रेन्डिङ

काठमाडौ : मन्त्रीमण्डल पुर्नगठनको लागि नेपाल कम्युनिष्ट पार्टी(नेकपा) का दुई अध्यक्षबीच आज पनि सहमति हुन सकेन ।

नेकपाका अध्यक्ष एवम् प्रधानमन्त्री केपी शर्मा ओली र अर्का अध्यक्ष पुष्पकमल दाहालबीच आज भएको छलफलबाट पनि केही सहमति निस्किन सकेन ।

यो भन्दा अगाडी बसेको दुई अध्यक्षको बैठकबाट केही निष्कर्ष ननिक्लेपछि आज चाही आईस ब्रेक होला कि भनेर सबैले अपेक्षा गरेका थिए । तर आज बसेको दुई अध्यक्षबीचको छलफलले पनि कुनै सहमति जुटाउन सकेन ।

पार्टी अध्यक्ष एवम् प्रधानमन्त्री ओली र दाहालले मन्त्री मण्डल पुर्नगठनका लागि आ आफ्नो अडान नछोडेका कारण उनीहरु सहमति नजिक पुग्न नसकेको समाचार यस अघि पनि बाहिर आएको विषय हो ।

प्रधानमन्त्री ओली अहिलेको मन्त्रीमण्डलमा रहेका केही सदस्यलाई निरन्तरता दिने पक्षमा रहेका छन् भने अर्का अध्यक्ष सबै नयाँ ल्याउने पक्षमा रहेका छन् । जसले गर्दा अध्यक्ष सहमति हुन नसकेको नेकपा स्रोतले बताएको छ । प्रधानमन्त्री ओली र अर्का अध्यक्ष दाहालबीच भोली पनि छलफल हुन सक्ने संभावना रहेको नेकपा स्रोतको रहेको छ ।

दुई अध्यक्षबीच सहमति हुन नसक्दा मन्त्रीमण्डल पुर्नगठन केही दिन लम्बिन सक्ने देखिएको छ ।