अखबार नेपाल ट्रेन्डिङ

काठमाडौं: सिटिजन्स बैंकले शाखा विस्तार गर्ने क्रममा मुगु जिल्लाको गमगढी शाखा संचालनमा ल्याएको छ ।

सिटिजन्स बैंक इन्टरनेसनल लिमिटेडले कोभिड–१९ का कारण पर्न सक्ने सम्भावित असरलाई मध्यनजर गर्दै सम्पूर्ण सुरक्षात्मक उपायहरू अवलम्बन गरी मंगलबारबाट गमगढी शाखा संचालनमा ल्याएको छ ।

बैंकले आम नागरिकलाई अत्यावश्यक वित्तीय सेवाको पहुँच प्रदान गर्ने साथै साना तथा लघु व्यवसायीहरु माझ वित्तीय पहुँच पुर्याउने उद्देश्यका साथ शाखा विस्तार गरेको जनाएको छ ।

त्यस्तै बैंकले देशैभरी फैलिएका आफ्ना १ सय १० वटा शाखा, ९८ वटा ए.टि.एम. र १ सय ४ वटा शाखा रहित बैंकिङ्ग एकाईहरुबाट आधुनिक बैंकिङ्ग सेवा प्रदान गर्दै आएको छ ।