अखबार नेपाल ट्रेन्डिङ

काठमाडौं: एनआईसी एशिया बैंकले डिजिटल खाता खोल्ने व्यवस्था गरेको छ । ग्राहकले बैंकको कार्यालयमा पुगेर डिजिटल माध्यमबाट बचत खाता खोल्न मिल्ने प्रणालीको सुरुवात गरेको छ ।

सेवाग्राहिहरुले डिजिटल प्रणाली मार्फत भौतिक फारमको सट्टा खाता खोल्नको लागि आवश्यक आफ्नो विवरण, फोटो, औंठाछाप, हस्ताक्षर लगायतका विवरणहरू डिजिटल प्रणालीबाटै भरी बचत खाता खोल्न सक्ने बैंकले जनाएको छ ।

उक्त प्रणालीमा सेवाग्राहीहरूले चमत्कारिक सुविधाहरूले भरिपूर्ण ९ वटा न्यू प्रिमियम सुपर चमत्कारिक खाता योजनाहरू मध्ये आफुले इच्छाएको खाता छनौट गरी डिजिटल रुपमा खाता खोल्न सक्ने बैंकले बताएको छ ।

कम्प्युटरमा दक्षता नपुगेका ग्राहकहरुका निम्ति बैंककै कर्मचारीहरूको सहयोगमा देशभरका शाखा कार्यालयहरूमा छुट्टै डिजिटल लबीको व्यवस्था गरि डिजिटल खाता खोल्न सकिने साथै ग्राहकलाई लामो फारम भर्ने तथा आफ्नो पालो कुरेर बस्ने झन्झटबाट मुक्ति मिल्ने बैंकले जनाएको छ ।