अखबार नेपाल ट्रेन्डिङ

काठमाडौं: एनआईसी एशिया बैंकले ८ दशमलव २५ प्रतिशत वार्षिक ब्याजदरमा घर, सवारी र व्यवसाय कर्जा योजना ल्याएको छ ।

बैंकले ल्याएको चमत्कारी कर्जा योजना  अनुसार उक्त कर्जा लिदा प्रसाशनिक शुल्क शुन्य दशमलव २५ लाग्नेछ भने कर्जा लिने ग्राहककालागि पहिलो बर्ष कर्जाको ब्याजदर परिवर्तन नहुने बैंकले जनाएको छ ।

त्यस्तै दोस्रो बर्ष पश्चात बैंकको आधार दरका प्रिमियम थप्दा हुन आउने ब्याजदर ८ दशमलव २५ प्रतिशत भए सोही कायम रहने नभए आधार दरमानै कर्जाको ब्याजदर रहने बैंकले जानकारी दिएको छ ।

त्यस्तै बैंकले अन्य बैंक तथा वित्तीय संस्थाबाट कर्जा स्वाप गर्न सकिने सुविधा उपलब्ध रहेको बताएको छ । बैंकले घर कर्जा अन्तर्गत धितो मूल्याङ्कनको ७० प्रतिशत सम्म कर्जा उपलब्ध गराउने छ भने कर्जाको निर्णय गर्ने समय ४८ घण्टा रहने जनाएको छ ।