अखबार नेपाल ट्रेन्डिङ

काठमाडौं: जनरल इन्स्योरेन्स कम्पनी नेपालले चालू आर्थिक वर्षको तेस्रो त्रैमाससम्म ४१ करोड ६१ लाख कुल बीमा शुल्क आर्जन गरेको छ । कम्पनीले सार्वजनिक गरेको तेस्रो त्रैमासको वित्तीय विवरण अनुसार यस वर्ष गत वर्षभन्दा १०३ प्रतिशत बढी बीमा शुल्क आर्जन गरेको हो ।

गत वर्ष यस अवधिमा कम्पनीले २० करोड ५० लाख मात्र कुल बीमा शुल्क आर्जन गरेको थियो । गत वर्ष यस अवधिसम्म १९ हजार ७ सय ६८ बीमा लेख जारी गरेको कम्पनीले यस वर्ष सोहि अवधिसम्म ४० हजार ६ सय ५७ बीमालेख जारी गरेको छ । गत वर्ष १ सय ४० जनालाई ७८ लाख दाबी भुक्तानी गरेको कम्पनीले यस वर्ष सय ९४४ जनालाई ८ करोड ९३ लाख दाबी भुक्तानी गरेको छ । यस वर्ष गत वर्षभन्दा कम्पनीको नाफा ३२ दशमलव ९० प्रतिशत बढी भएको छ । गत वर्ष तेस्रो त्रैमाससम्म २ करोड ३१ लाख खुद नाफा गरेको कम्पनीले यस वर्ष सोहि अवधिमा ३ करोड ७ लाख मात्र खुद नाफा गरेको हो ।

यस वर्ष आम्दानी ४१ दशमलव ६६ प्रतिशत बढी ५ करोड ९५ लाख भएको कम्पनीले खर्च ५२ दशमलव ३८ प्रतिशत बढी २ करोड ८८ लाख गरेको छ । हाल कम्पनीको चुक्तापूँजी ७० करोड रहेको छ । जगेडा कोष रकम गत वर्षभन्दा ९० प्रतिशत बढी ३ करोड ७६ लाख र बीमा कोष रकम ८७ प्रतिशत बढी ४ करोड ११ लाख कायम भएको छ । वार्षिक प्रतिशेयर आम्दानी ५ दशमलव ८५ र प्रतिशेयर नेटवर्थ १ सय १८ दशमलव ८४ छ ।