अखबार नेपाल ट्रेन्डिङ

काठमाडौं: सरकारले सञ्चालन गरेको कोरोना राहत कोषमा प्राईम कमर्सियल बैंकले १ करोड ७५ लाख रुपैयाँ जम्मा गरेको छ । बैंक तथा वित्तीय क्षेत्रबाट उक्त कोषमा हालसम्म योगदान गर्नेमा प्राईम कमर्सिलय बैंकले सबैभन्दा बढी १ करोड ७५ लाख रुपैयाँ उपलब्ध गराएको हो ।

आफ्नो सामाजिक उत्तरदायित्व अन्तर्गत महाभुकम्पदेखि लुम्बिनी विकास क्षेत्र कोषलाई समेत सहयोग गर्दै आएको प्राईमले बैंकले कोरोना रोकथामका लागि पनि सहयोग गरेको जनाएको छ । यसैगरी प्राईम बैंकले कोरोना प्रभावको बेलामा पनि सबैभन्दा बढी शाखाबाट बैंकिङ सेवा दिँदै आएको छ । हाल बैंकले देशभरका ७२ शाखामार्फत बैंकिङ सेवा उपलब्ध गराउँदै आएको छ ।