अखबार नेपाल ट्रेन्डिङ

काठमाडौ : प्रतिनिधिसभा विघटनसम्बन्धि मुद्धा अहिले संवैधानिक इजालसमा बहस भईरहेको छ ।

बहसमा सहभागी कानुनव्यवसायीहरुले आ आफ्नो तर्क प्रस्तुत गर्ने कार्य भईरहेको छ ।

आज आईतबारको बहसमा भने फरक खालको दृश्य देखिएइको छ ।

उक्त मुद्धा सम्बन्धि संवैधानिक इजलासमा सुनुवाइ सुरु हुनुअघि केही बेर बाझाबाझ भएको दृश्य आज देख्न सकिन्थ्यो ।

आज वरिष्ठ अधिवक्ता रमण श्रेष्ठले राजपत्रका बारेमा इजलासमा निवदेन पेश गरेपछि दुई मिनेट बोल्ने समय मागेपछि वकिलहरुबीच भनाभन भएको हो ।

इजलाशले निवदेनको विषयमा आफ्नो पालामा मात्रै कुरा राख्न भनेको थियो ।

तर श्रेष्ठले आफ्नो कुरा राख्ने भनेपछि त्यहाँ सरकारी वकिलले उनलाई रोक्ने प्रयास गरेका कारण उक्त स्थिति सिर्जना भएको थियो ।

श्रेष्ठले कुरा गर्न खोजेपछि लगत्तै सरकारी वकिलहरुले बीचबीचमा निवेदनहरु ल्याएर त्यसबारे बहस नगर्न भन्ने कुरा उठाएका थिए ।

त्यस लगत्तै सरकारी वकिलको तर्फबाट महान्यायधिवक्ता अग्नी खरेल, वरिष्ठ अधिवक्ता सुशिल पन्त अनि नायब महान्यायधिवक्ता पदमप्रसाद पाण्डेले श्रेष्ठलाई समय दिन नहुने भनेर उभिएर प्रतिवाद गरेका थिए ।

इजलाशले पछि समय दिने भनेपछि श्रेष्ठ पछि हटे अनि बल्ल माहौल सेलाएको थियो ।

पालो अनुसार निवेदकमध्येका एक वरिष्ठ अधिवेक्ता दीनेश त्रिपाठीले बहस सुरु गरेका थिए ।