अखबार नेपाल ट्रेन्डिङ

एजेन्सी: नाइजेरियाको राष्ट्रपतिमा मुहम्मद बुहारी पुनः विजयी भएका छन् । हालै सम्पन्न राष्ट्रपतिय निर्वाचनमा ७६ वर्षीय बुहारी विजयी भएको निर्वाचन आयोगले घोषणा गरेको छ ।

सत्तारुढ अल प्रोग्रेसिभ कंग्रेसबाट फेरी उम्मेद्वारी दिएका बुहारीले १ करोड ५१ लाख मत प्राप्त गरेका छन् । उनका निकतम प्रतिद्धन्द्धी तथा पुर्व उप–राष्ट्रपति समेत रहेका अटिकु अबुबकरले १ करोड १२ लाख मत प्राप्त गरेको आयोगले जनाएको छ ।

फ्रेबुअरी २३मा सम्पन्न निर्वाचनको मतपरिणाम सार्वजानिक भएलगत्तै पराजित उम्मेद्वार अबुबकरको पार्टी पिपल्स डेमोक्रेटिक पिडिपीले मतदानका क्रममा व्यापक अनियमिता भएको आरोप लगाएको छ । निर्वाचनको तिथि एक साता पछि सारेर सत्तारुढ दलले व्यापक धाँधली गरेको आरोप पिडिपीको छ ।

नाइजेरियामा फ्रेबुअरी १६मा तय भएको निर्वाचन प्राविधिक कारण देखाउदै एक साता पछि अर्थात फ्रेबुअरी २३मा सारिएको थियो । मतदानका क्रममा हिंसा समेत भएको थियो । हिंसामा दर्जनौको ज्यान गएको थियो ।