अखबार नेपाल ट्रेन्डिङ

बैतडी सहित सुदूरपश्चिमका पहाडी जिल्लाहरुमा हिमपात भएको छ । सोमबारदेखि राती केही ठाउँमा हिमपात भएको र गएराती पनि जिल्लाका विभिन्न ठाउँमा हिमपात भएको छ । केही दिन अघिबाट मौसममा आएको परिवर्तनसंगै जिल्लाका उच्च लेकाली क्षेत्रमा भारी हिमपात भएको छ ।

हिमपातका कारण स्थानीयहरुको दैनिकी कष्टकर बन्दै गएको छ । हिमपातका कारण बैतडीको अनारखोलीमा सडक अवरुद्ध भएको छ । सुदूरपश्चिमका डडेल्धुरा बझाङ, डोटी, बाजुरा र दार्चुला लगायत जिल्लाका उच्च लेकाली भेगमा वर्षासँगै हिमपात भएको हो ।

त्यस्तै कर्णाली प्रदेशका उच्च हिमाली जिल्लामा पनि हिमपात हुन थालेको छ । एक्कासी बढेको चिसोले विशेषगरी वृद्ध-वृद्धा, बालबालिका तथा गरिखाने वर्ग प्रभावित भएका छन् । पटकपटकको हिमपातले हिउँदेबाली सप्रिनेमा भने किसान हर्षित छन् ।