अखबार नेपाल ट्रेन्डिङ

एजेन्सी: स्लोभाकियालाई २-१ गोल अन्तरले पराजित गर्दै इङ्ल्यान्ड युरोकप २०२४ को क्वाटरफाइनलमा प्रवेश गरेको छ । इङ्ल्यान्डले अतिरिक्त समयमा पुनरागमन जित निकाल्दै अन्तिम आठमा स्थान बनाएको हो ।

स्लोभाकियाका लागि इभान स्क्रान्जले २५औं मिनेटमा सुरुवाती गोल गरेका थिए । गोल खाए पश्चात इङ्ल्यान्डले बल पोजिसन राखेपनि स्पष्ट मौका सिर्जना गर्न सकेको थिएन । पहिलो हाफमा एक गोल गरेपछि प्रतियोगिताका अवधिभर गोल गर्न संघर्षरत इङ्ल्यान्डले नियमित समयको अन्तिम समयमा बराबरी गोल गर्न सफल रह्यो ।

अतिरिक्त समयको पहिलो मिनेटमा नै ह्यारी केनले इङ्ल्यान्डलाई अग्रता दिलाए । इभान टोनीको पासमा सबैभन्दा अघि पुग्दै केनले हेडर मार्फत गोल गर्दै अग्रता दिलाएका थिए । सोही गोल जितका लागि पर्याप्त बन्यो । इङ्ल्यान्डले अब क्वाटरफाइनलमा स्विट्जरल्यान्ड विरुद्ध खेल्नेछ । स्विट्जरल्यान्डले इटालीलाई हराउँदै अन्तिम आठमा स्थान बनाएको हो ।