अखबार नेपाल ट्रेन्डिङ

काठमाडौ: नेकपा एमालेका अध्यक्ष केपी शर्मा ओलीका निकट मानिएका नेताहरु प्रतिनिधि सभाको मतगणनाको पछिल्लो परिणाम अनुसार धेरै पछि परेका छन् ।

ओलीका निक्कै नजिक मानिएका महेश बस्नेत भक्तपुर २ बाट उनका प्रतिष्पर्धी नेपाली कांग्रेसका उम्मेदवार दुर्लभ थापा अगाडि छन् । थापाले शुरुदेखि ने बस्नेतलाई पछि पार्दै आएका छन् ।

ओलीका अर्का विश्वास पात्र अग्नि खरेल झापा १ बाट उम्मेदवारी दिएका थिए । झापा १ मा नेपाली कांग्रेसका उम्मेदवार विश्वप्रकाश शर्मा जितको नजिक पुगेका छन् ।

यसैगरी ललितपुर १ मा एमालेबाट उम्मेदवारी दिएका ओलीका अर्का विश्वास पत्र नवराज सिलवाल पनि पराजयको नजिक छन् । ललितपुर १ मा नेपाली कांग्रेसका उम्मेदवार उदय शमशेर राणा जितको नजिक पुगेका छन् ।

चितवन १ मा एमालेबाट उम्मेदवारी दिएका सुरेन्द्र पाण्डे पनि पछि परेका छन् । त्यस क्षेत्रमा राष्ट्रिय स्वतन्त्र पार्टीका उम्मेदवार हरि ढकाल अगाडि देखिएका छन् ।

एमालेका वरिष्ठ उपाध्यक्ष ईश्वर पोखरेल काठमाडौ ५ बाट उम्मेदवारी दएका छन् । त्यस क्षेत्रमा नेपाली कांग्रेसका उम्मेदवार प्रदीप पौडेल अगाडि छन् ।

इलाम २ मा एमालेबाट उम्मेदवारी दिएका उपाध्यक्ष सुवास नेम्वाङ पनि ओलीसँग निकै निकट मानिन्छन् उनी पनि नेपाली कांग्रेसबाट डम्मर खड्काले उम्मेदवारी दिएका छन् । पछिल्लो समय  खड्काले आफ्नो मतान्तर बढाउदै लगेका छन् ।

यसैगरी प्यूठानबाट उम्मेदवारी दिएका सूर्य थापा पनि राष्ट्रिय जनमोर्चाकी उम्मेदवार दुर्गा पौडेलभन्दा पछाडि परेका छन् ।

यसैगरी स्याङजा २ मा एमालेबाट उम्मेदवारी दिएकी पद्मा अर्याल पनि एमाले अध्यक्ष केपी शर्मा ओलीसँग निकट मानिन्छिन् । त्यस क्षेत्रमा नेपाली कांग्रेसबाट धनराज गुरूङले उम्मेदवारी दिएका छन् ।

यसैगरी रुपन्देही २ मा एमालेबाट उम्मेदवारी दिएका विष्णु पौडेल एमाले अध्यक्ष ओलीसँग निकट मानिन्छन् । उनी पनि मतान्तरमा पछि परेका छन् ।

काभ्रे २ मा एमालेबाट उम्मेदवारी दिएका गोकुल बाँस्कोटा एमाले अध्यक्ष ओलीका अति नजिक मानिन्छन् । त्यस क्षेत्रमा नेपाली कांग्रेसबाट शिव हुमागार्इंले उम्मेदवारी दिएका छन् । काभ्रे २ मा बाँस्कोटाभन्दा हुमागाईको बलियो देखिएका छन् ।