अखबार नेपाल ट्रेन्डिङ

काठमाडौं: काठमाडौं ४ बाट नेपाली कांग्रेसका महामन्त्री गगन थापाले फराकिलो अन्तरले नेकपा एमालेका राजन भट्टराईलाई हराउँदै जित निकालेका छन् ।

भट्टराईलाई थापाले ७ हजार ४५७ मतान्तरले पराजित गरेका छन् । ०७४ मा पनि थापाले एमालेका भट्टराईलाई नै पराजित गरेका थिए । त्यतिबेलाको चुनावमा वाम गठबन्धनका तर्फबाट एमालेका भट्टराई प्रतिस्पर्धामा थिए । तर ३२ सय मतान्तरले थापाले जितेका थिए ।

०७० मा पनि गगनले यही क्षेत्रबाट एमालेका निर्मल कुँइकेललाई पराजित गरेका थिए । ०६४ मा थापा समानुपातिक सांसद थिए । ३१ वर्षे उमेरमै समानुपातिक सांसद रहेका थापा लगत्तै कांग्रेस केन्द्रीय सदस्य निर्वाचित भएका थिए ।