अखबार नेपाल ट्रेन्डिङ

काठमाडौं: स्थानीय तह निर्वाचनका लागि चितवनको भरतपुरमा यतिखेर गठबन्धनमा रहेका दलका शिर्ष नेताहरु चुनावी सभालाई सम्बोधन गर्ने शुरसारमा छन् ।

शिर्ष नेताहरु भरतपुर पुगिरहँदा प्रमुख प्रतिपक्षी दलका नेकपा एमालेका अध्यक्ष केपी शर्मा ओली भने सुदुरपश्चिमतिर हान्निएका छन् ।

भरतपुरमा हुने कार्यक्रममा प्रधानमन्त्री तथा नेपाली कांग्रेसका सभापति तथा वरिष्ठ नेता एवम् पदाधिकारीहरुले गठबन्धनका उम्मेदवारलाई मतदान गर्न आग्रह गर्दैछन् ।

सोही कार्यक्रममा पूर्वप्रधानमन्त्री तथा माओवादी केन्द्रका अध्यक्ष पुष्पकमल दाहाल प्रचण्ड र पूर्वप्रधानमन्त्री तथा नेकपा एकीकृत समाजवादीका अध्यक्ष माधवकुमार नेपालले पनि सम्बोधन गर्ने कार्यसूची छ ।

उता एमालेका अध्यक्ष केपी शर्मा ओलीले कञ्चनपुर र कैलालीमा आयोजित विभिन्न चुनावी सभालाई आजै सम्बोधन गर्ने कार्यक्रम छ ।

उनले कञ्चनपुरको बेलौरी नगरपालिका र कैलालीको धनगढी उपमहानगरपालिकामा आयोजना हुने कार्यक्रमलाई सम्बोधन गर्ने निश्चित छ ।